Ge luustert naor de buut van 2013

Efkes vörstèlle

  

Wie is Benjaminofmeer höö.r ik ôllie déé.nke . Mien é.chte naam is Jos Gröniger.  Jôsje zègge ze ok wel us. Ik wier op Sinterkláós 1962 gebóó.re as zoon van Jopie en Lientje Gröniger-Arts.  Ik was de zesde ien de rij. Oons pap en mam ware zö blij mit mien dat ze daornáó gen kié.ndje mèr genó.me hebbe. As jongste van zes kiendere (ik heb een brúú.r en vier zusters)  groeide ik op ien Ootersom. Nog altied woon ik ien óó.ns môje dorp. Same mit mien Elke (wáórmit ik op 28 mei 2003 trôuwde) en mien dochters Evi (2004) en Lena (2009).

Mien familie en Ootersom zien un gróóte bron van inspiraatsie ien mien buuts. Oons mam is duk vernoemd, mien vrouw Elke en óó.nze kiender ôk.

 

 Jeugdzondes...

Ik wèt êigeluk nie of ik ut zo wel mög noeme, mar ien mien werkzame lé.ve heb ik van alles gedao.n. Ik begos ien 1982 bïj de PAGE ien Gennep. Ien 1996 was daor gèn rol mèr vör mien wèg gelegd. Papier bleef trèkke en via wat ömzwervinge zie ik wér ien ut gréj teré.chtgekomme. Sins 2004 schrié.f ik vör néïjsblad De Mao.s Driehoek. Van tevurre had ik al wat geoefend als korrespondent van Achates en de Maskotters en ôk schreef ik stukskes en stukke ien de Maos en Niersbode en ut Dagblad vör Noord Limburg, têgewôrdig is dat Dagblad De Limburger.

Verder was ik ôk ooit ráó.dslid ien de geméé.nte Gennep. Van 1990 tot 1994 zat ik names de CEL ien de ráó.d. Ien dèn tied wier ik ôk prins bïj de Maskotters ien mien Ootersom. Ien 1992 zie ik geko.ze tot prins Jos d'n twèdde.